تمه ده چې سږکال به د هډې فارم د درېيم بلاک د زيتون باغونو حاصلات زيات وي .
تمه ده چې سږکال به د هډې فارم د درېيم بلاک د زيتون باغونو حاصلات زيات وي .
ددغې بلاک زيتون باغونو زيتون ونو تازه ګلان نېولي « انځورونو کې ښکاري »
د ننګرهار وادي کرنيز ا شرکت د هډې فارم درېيم بلاک چې شاوخوا ۱۱۶۰ جريبه مساحت لري، د زراعتي او جغرافيايي ارزښت له مخې مهم ګڼل کېږي.
په دې بلاک کې په ۲۳۵ جريبه ځمکې مالټه باغونه ، ۸۰۰ جريبه ځمکې زيتون باغونه ، او په ۱۲۵ جريبه ځمکې ځنګلونه کرل شوي دي.
ددې بلاک د مسوول مدير اسدالله په وينا، تېر کال ددې بلاک له زيتون باغونو څخه يې شاوخوا « ۱۸۱ » ټنه زيتون دانې راټولې او د پروسېس لپاره زيتون فابريکی ته انتقال شوی دي.
نوموړی وایې ، د زيتون حاصل د زياتوالي لپاره د ياد بلاک اړوند ۱۵۵ هکتاره ځمکه نرمکاري شوی، زاړه لښتي وېستل شوي، او د زيتون بوټو لپاره چې اوبه په کې ذخیره شي ځانګړې کاسې جوړې شوې دي.
همداراز، د کرنې د ودې لپاره توره او سپينه سره هم استعمال شوی ده.
د هډې فارم مسؤلين هيله لري چې د دې اقداماتو له برکته به سږکال د زيتونو حاصلات لا ډېر شي.
ديادونېده چې ، دننګرهار کانال د سترې او ملي پروژې دتاسيس سره سم په ۳۱۰۰ هکتاره ځمکې زيتون باغونه جوړ شوي و ، له بده مرغه انقلابي ناسازه شرایطو او کورنيو جنګونو له امله ۱۳۸۰ هکتاره زيتون باغونه له منځه تللي اوس د ۴ ګونو فارمونو په شاوخوا ۱۸۰۰ هکتاره ځمکې زيتون باغونه پاتې دي .
